सुमन जि.सी.
लेखनाथ, भाद्र ९ ।
नेवारी समुदायको महान पर्व गाईजात्राको अवसरमा पोखरा–३२ राजाको चौतारामा यहि भाद्र २३ गते प्रथम तायामचा नृत्य प्रतियोगिता हुने भएको छ । संस्कृति जर्गेना पर्यटन प्रर्वद्धन तथा सम्मृद्धिको आधार भन्ने नाराका साथ समाज कल्याण नेवाः खल पोखरा–३२ ले प्रतियोगिताको आयोजना गरेको हो । प्रतियोगितामा कुल ७ टिमको सहभागिता रहने र ४ हजार भन्दा वढि दर्शकले अवलोकन गर्ने आयोजकले शनिबार पत्रकार सम्मेलनको आयोजना गरि जानकारी दिएको हो ।

ब्रह्मरुपा माविको प्राङ्गण राजाको चौतारामा हुने प्रतियोगितामा प्रथम हुने टिमलाई नगद रु १५ हजार, दोश्रो हुने टिमलाई १२ हजार पाँच सय, तेश्रो हुने टिमलाई १० हजार र सान्त्वना हुने टिमलाई ५ हजार नगद पुरस्कार प्रदान गरिने कार्यक्रम संयोजक पदम श्रेष्ठले पत्रकार सम्मेलनमा जानकारी दिए । यस्तै उत्कृष्ट भेषभुषा र प्रहसनलाई पनि पुरस्कार प्रदान गरिने आयोजकले जनाएको छ ।

Read full news